کالج میں استقبالِ رمضان کے عنوان سے روحانی و تعلیمی پروگرام کا انعقاد

"پرنسپل پروفیسر محمد حنیف صاحب کی زیر صدارت کالج میں رمضان المبارک کی مناسبت سے ایک پروگرام کا انعقاد کیا گیا" کالج میں رمضان المبارک کی آمد کے سلسلے میں "استقبالِ رمضان" کے عنوان سے پرنسپل پروفیسر محمد حنیف کی زیر صدارت ایک تعلیمی و دینی پروگرام منعقد کیا گیا۔ پروگرام میں کالج کے اساتذہ اور طلبہ نے شرکت کی۔ اساتذہ نے اپنے لیکچرز میں رمضان المبارک کی فضیلت، اس کے روحانی فوائد اور قرآن و سنت کی روشنی میں روزے کی اہمیت پر روشنی ڈالی۔ مقررین نے طلبہ کو رمضان کے بابرکت مہینے سے زیادہ سے زیادہ فیض حاصل کرنے کی ترغیب دی اور اس موقع پر نیک اعمال کو اپنا معمول بنانے کی تلقین کی۔ پروگرام میں خصوصی طور پر قرآن کی تعلیمات پر گفتگو کی گئی اور اس بات پر زور دیا گیا کہ روزہ نہ صرف عبادت بلکہ صبر، شکر اور تقویٰ کی عملی تربیت کا مہینہ ہے۔ اساتذہ نے طلبہ کو اس مقدس مہینے میں عبادات کے ساتھ ساتھ اپنی تعلیمی سرگرمیوں میں بھی بھرپور محنت کرنے کی نصیحت کی۔ یہ روحانی اور تعلیمی نشست طلبہ کے لیے نہایت مفید ثابت ہوئی، جس میں انہیں رمضان المبارک کی اہمیت کے بارے میں آگاہی حاصل ہوئی اور دین سے تعلق مضبوط کرنے کا موقع ملا۔